Ngawiti ingsun nglaras syi'iran
kelawan muji mareng pangeran
kang paring rohmat lan kenikmatan
rino wengine tanpo pitungan
Duh bolo konco priyo wanito
ojo mung ngaji syare'at bloko
gur pinter ndongeng nules lan moco
tembe mburine bakal sengsoro
Akeh kang apal Qur'an haditse
seneng ngafirke marang liyane
kafire dewe dak digatekne
yen iseh kotor ati akale
Gampang kabujuk nafsu angkoro
ing pepaese gebyare ndonyo
iri lan meri sugihe tonggo
mulo atine petheng lan nistho
Ayo sedulur jo nglaleake
wajipe ngaji sak pranatane
nggo ngendelake iman tauhid e
baguse sangu mulyo matine
baguse sangu mulyo matine
Kang aran sholeh bagus atine
kerono mapan sari elmune
laku thoriqot lan ma'rifate
ugo hakekat manjing rasane
ugo hakekat manjing rasane
Alqur'an Qodim wahyu minulyo
tanpo dinulis biso diwoco
iku wejangan guru waskito
den tancepake ing njero dodo
den tancepake ing njero dodo
Kumantil ati lan pikiran
mrasuk ing badan kabeh jeroan
mu'jizat rosul dadi pedoman
minongko dalan manjinge iman
minongko dalan manjinge iman
Kelawan Alloh kang moho suci
kudu rangkulan rino lan wengi
ditirakati diriyadhoi
dzikir lan suluk jo nganti lali
dzikir lan suluk jo nganti lali
Uripe ayem rumongso aman
dununge roso tondo yen iman
sabar narimo najan pas pasan
kabeh tinakdir saking pengeran
kabeh tinakdir saking pengeran
Kelawan konco dulur lan tonggo
kang podho rukun podho ngasiho
iku sunahe rosul kang mulyo
Nabi Muhammad panutan kito
Nabi Muhammad panutan kito
Ayo nglakoni sekabehane
Alloh kang bakal ngangkat drajate
senajan ashor toto ndhohire
ananging mulyo maqom drajate
ananging mulyo maqom drajate
Lamun palastro ing pungkasane
ora kesasar roh lan sukmane
den gadhang Alloh suwargo manggone
utuh mayite ugo ulese
utuh mayite ugo ulese
Obat Herbal Ayan
BalasHapus